A Escola de Música «Alfaia», polas súas características e fins específicos de asociación cultural, ten como obxectivo satisfacer, dun xeito ameno e á vez instructivo, as necesidades de expresión artística da poboación.
Con todo, as súas peculiaridades específicas son:
- O programa de estudo da especialidade de Piano está elaborado consonte cadansúa idade a partir dos seis anos.
- Por ser un currículo de estudos aberto, o alumnado pode matricularse na materia con calquera idade, nivel e en calquera momento do curso escolar, adaptándose o profesor ás características e peculiaridades de cada estudante.
- Para pasar dun curso a outro non se é obrigatorio a realización dun exame. O profesor determinará o nivel do alumnado segundo os avances acadados, durante as clases e na execución das pezas e obras seleccionadas.
- Substitúense os exames polas audicións que se realizarán durante o curso académico.
- O alumno poderá pasar de nivel dentro do mesmo curso académico, segundo o criterio do profesor.
- Para a selección de obras, o profesor terá en conta, se é posible e factible, o gusto e criterio de cada estudante
Obxectivos:
- Coñecer as posibilidades sonoras do piano, así como o seu mecanismo.
- Desenvolver diferentes aspectos da técnica pianística, como son: mobilidade das mans, independencia dos dedos, articulacións, ataques, legato, staccato, matices, etc.
- Coñecer, a través da partitura, os aspectos estéticos, estilísticos e interpretativos de cada obra nos diferentes cursos académicos.
- Practicar a lectura a primeira vista mediante fragmentos musicais curtos e axeitados a cada nivel.
- Afacer ó alumnado a tocar en público, con partitura ou sen ela.
- Realizar audicións nas que a meta sexa tocar con seguridade e dominio da situación.
- Contribuír ó desenvolvemento da memoria musical.
- Afacer ó alumno á actuación nun conxunto.
O contido das clases de piano elabórao cada profesor consonte o seu criterio e baseándose nas esixencias académicas en vigor.
