Obxectivos:
Adoptar unha correcta posición corporal en consonancia coa configuración do instrumento.
Coñecer as características e posibilidades sonoras do instrumento, saber utilizalas dentro das esixencias do nivel, así como desenvolver hábitos de coidado e mantemento do mesmo.
Adquirir unha técnica básica que permita interpretar correctamente en público un repertorio integrado por obras ou pezas de diferentes estilos.
Adquirir e desenvolver hábitos de estudo básicos, correctos e eficaces.
Coñecer a técnica e os recursos para o control da afinación do instrumento, nos casos nos que a súa natureza así o permita.
Despertar no alumnado o aprecio e o respecto pola arte da música a través do coñecemento do seu instrumento e da súa literatura.
Concibir a práctica instrumental como un medio para formar persoas íntegras que aprecien e gocen da experiencia musical, incorporando estas vivencias á súa propia cultura.
Contidos:
Práctica de exercicios de relaxación e control muscular, de xeito que permitan adoptar unha postura axeitada do corpo, unha correcta colocación do instrumento e a coordinación entrámbalas dúas mans.
Exercicios de respiración (con ou sen instrumento) para o desenvolvemento da capacidade pulmonar.
Fortalecemento dos músculos faciais.
Desenvolvemento da flexibilidade dos labios, coa práctica de intervalos ligados e con posicións fixas.
Principios básicos da dixitación.
Aprendizaxe dos diversos xeitos de emisión e de articulación axeitados ás ensinanzas elementais.
Práctica de exercicios que desenvolvan a sensibilidade auditiva como premisa indispensable para a obtención dunha boa calidade de son.
Técnicas e recursos para o control da afinación.
Exercicios para o desenvolvemento progresivo da capacidade técnica do alumnado: escalas, arpexos e intervalos, con diferentes articulacións, velocidades, dinámicas e rexistros.
Entrenamento permanente e progresivo da memoria.
Lectura á vista de obras ou fragmentos sinxelos.
